蛊
派路噚日透过twitter宣布退役，曾共事嘅队友、敌人无不向呢位一代意大利中场名将致敬，要讲声多谢，系佢改变「6号」定义，改变咗足球。
其实派路（Andrea Pirlo）早排已经事先张扬，所以佢挂靴嘅消息冇令人意外，但呢个日子真正来临，就算唔系意大利球迷都可能感到婉惜，毕竟佢由攻中改踢防中，透过佢独一无二嘅演绎颠覆传统。好波！同意当年安排佢转型嘅安察洛堤亦抵赞，但都要有派路够料演译到至得。
一个球员职业生涯有冇枉过，睇佢挂靴时行家有咩反应就一清二楚。消息一出，好多名将向派路致敬，同样系球坛防中经典嘅韦拉讲得最好，「佢改变咗『6号』，之前，『6号』只系拦截同抢波，家阵你要做埋playmaker，你要好似『10号』咁识得用波。佢以用波质素，同埋用脑踢波改变咗呢个位置嘅质素。」
据韦拉补充，派路对足球赛影响深远，以前好多年青球员争住踢「9号」或「10号」，家阵对「6号」趋之若鹜。
保方就赞但凡同派路合作过嘅人，都明白「独特」嘅意义；连坏孩子巴洛迪利都难得讲得好得体：「我有幸同你共事过，多谢你嘅一切。」佢仲PS话，觉得派路可以多踢10年。
送别一代中场，最挂念固然系意大利球迷，尤其系蓝军准备喺世界杯外围赛附加赛同瑞典决生死，闻战鼓思良将。至于其他球迷，觉得可惜应该系派路之后，球坛似乎都未有人接到棒，可以踢到连已故球王告鲁夫都曾经赞叹嘅高水平。
《蛊惑波经》临场心水继续无间断推出！分享详情垂询客服热线15815960000或15815961111
